नर आणि मादीच्या
वेगवेगळ्या अस्तित्वापासुन
चाचपडणारा मी
चाचपडणारी ती
तिचं जग निळं आभाळ
माझं जग जमिनीवरचं
ती लोभस, चंचल
मी निश्चल निर्विकार
तिच्या भावना तिचा व्यवहार
माझ्या भावना नुसता व्यवहार
तिच्या नशिबी निर्मीतीच्या वेदना
मी हेतुपुरस्सर मुका साक्षीदार
ती मला भावनेत बांधु पहाणारी
विश्वासाच्या रेशमी मिठीत धरु पहाणारी
मी कसलेला नट, अडकल्याचं दाखवणारा
तिच्या मुर्खपणावर स्वतःशीच हसणारा
स्वतःच्याच भावनांच्या ओझ्याखाली
ती पिचत चाललीय
तिच्यातलं स्त्रीपण शोषुन
मी मात्र फ़ुगत चाललोय
कोणत्याही टिप्पण्या नाहीत:
टिप्पणी पोस्ट करा